新聞及資訊分享新聞及速報

《 黐GUN婚禮 》預定1月12日上映

雖則「結婚係戀愛嘅墳墓」,但點估到搞場婚禮都要搵命搏?!挑戰新一年黐筋之最嘅愛情動作喜劇《黐GUN婚禮》(Shotgun Wedding),誓要「癲」覆你對婚禮嘅想像!《非常巨星揀老公》(Marry Me)珍妮花露柏絲(Jennifer Lopez)瞓身演繹性感辣手新娘、《變形金剛》(Transformer)系列男星佐舒杜咸米爾(Josh Duhamel)爆發腎上腺素化身大膽新郎,夥拍《超犀女王》(Promising Young Woman)珍妮花哥麗治(Jennifer Audrey Coolidge)笑聲贈慶;《辣妹合唱團》(Pitch Perfect)導演打造史上最辣新娘、《求婚的惡魔》(The Proposal)監製炮製另一爆笑浪漫嫁期,呈獻超惹火刺激嘅新婚大日子。

黐GUN婚禮 新婚.喪射.啪啪聲?! 呢場婚禮超惹火!

浪漫小島婚禮,突變槍戰啪啪聲?新一年最黐筋愛情動作喜劇!狄茜(珍妮花露柏絲 飾)和湯(佐舒杜咸米爾 飾)為咗舉辦難忘婚禮,不惜遠赴隱世小島,點知出席賓客騎呢不特止,更有一批海盜亂入,脅持成班親友做人質,難忘婚禮驟變生存遊戲!呢對新人不但被逼同綁匪駁火,仲要拆掂隨時摧毁婚姻關係嘅「炸彈」…要成功搶救親友,唯有夫妻同心,先可以同壞人對撼!

上映日期:2023年1月12日

導演:積遜摩亞

主演:珍妮花露柏絲、佐舒杜咸米爾

片長:待定

片種:愛情│喜劇│動作

發佈留言

發佈留言必須填寫的電子郵件地址不會公開。 必填欄位標示為 *