KFC 女團賣雞廣告【熱】登場？

先不論搵女團賣雞哩個idea係神定係鬼，KFC找來女子組合 COLLAR 拍廣告，又的確有話題性，不過，廣告見街之後，反應似乎不算理想。

當然，疫情因素一定有，但廣告本身，都唔係算太受歡迎，廣告上線後只有3.4K的一般電視節目熱度，而且下滑速度超快，連三日定律都行唔到，要提及的媒體以生活媒體和討論區為主，但主體數量少，單POST熱度其實不算差，但整體氣勢難及師兄。

如果不計純計COLLAR，計KFC所有相關熱度，數據來到6K(上左)，依然算不上多高，武斷一點說， COLLAR 推廣帶來妁一倍熱度提升，橫比一下，最近沒什麼大推廣，白板上陣的老麥，有6.4K熱度(上右)，即是說，KFC用上明星加持，熱度就勉強追上低調期的老麥，有此角度看，可以看出做推廣的價值，不過，做推廣有價值，同抵唔抵做，又係另一個問題。

問題不在總熱度，反而在熱度其快速回落，廣告後續力比較弱，一來是網民持續討論度不高，二可能是推廣方的二波三波攻城未出現？

廣告的創意部份我沒資格說三道四，但產品部份一定要說兩句，雖然快餐冒險懶寫，一年還是會去數次KFC，KFC最大問題，係，唔好食，普日自豪的炸雞，而家成日又乾又鞋，被老麥既新炸雞輾壓，看家之寶的鬆餅又時常不供應，久等歸來的酸菜沙律，竟然又生硬又細盒。廣告同明星絕對唔係萬能，產品質素先係根本，那怕係平民都底的快餐食品都係。希望KFC在下重金請星之餘，趁這次機會，都好好改善一下品質，要不，再多明星代言都無用。

最後頭盔，數據分析結果會因應使用工具，截取方法，個人設定，解讀方式而有出入，本文謹以個人經驗操作及評價，謹供大家參考，同時作為使用現代科技分析的入門引導。

最最後，喜歡本文的話，不介意請多分享給朋友，或者，起碼，Like下我地 PAGE: https://www.facebook.com/darkshadowzo 有關數據分析提案，問題，合作或各類意見，歡迎電郵： info@shadowzo.com 。

本次使用工具：
IG
Soda Insight
我個腦(燒唔少腦汁架，放工份REPORT重嘔血過番工果份…..)