送兔入虎口，賀年菠蘿雞

多叫外賣，多用外賣App之後，反而食少咗快餐，作為老麥中毒級食客，過年至今先第一次食老麥，真係罪過罪過。虎年特別版為什麼選了疑似兔子的Melody，當然不懂，近年常見的黑椒漢堡無新意，竟然搞個黑椒菠蘿雞包，又黑雞，又菠蘿雞，係攞景贈興定神預言？

送兔入虎口的設計，吉唔吉利唔敢講，但個包裝的確做得幾好睇，兩隻色，係靚既。

黑椒長漢堡一如以住，調味重，易口乾，勝在辣辣地幾惹味。黑椒菠蘿雞就比較迷惑，菠蘿雞本身在廣東話指靠痴搵著數， 以香港價值觀，應該算係吉利，但黑椒雞夾菠蘿，味道就有點人類迷惑，伏就未算，但始終菠蘿配合一些酸甜汁會比較夾。

不過，近來老麥的真重點是Payme的優惠吧？你沒趕上？唔好意思，下次請早。