Masala Hut ： HK $ 110(要另加一) 任砌印式美食，重要幾高質？咁抵又爭咩？

尖咀區地鐵站5-10分鐘步程，任砌午餐，老字號，重要地方唔差，定價HK$110(但要加一)？聽完友人介紹一定懷疑，我都係，然後，也等不到友人相約，某天路過附近工作，就自己衝了。首先，位置超方便，無人不識的金馬倫道，22號，門外有個招牌，唔難搵，但難在位處舊大廈二樓，入去等電梯體驗就弱了，但，平一定有佢既原因。

注意：定價及資料只供參考，一切以有關品牌為準。

大廈本身有點舊，但店內裝修很企理，不輸一些中價印度餐廳，間隔尚可，不算很逼。一埋位就就派杯水，原來有免費飲品，但要坐坐下先會來問，但OK既。此店價格低廉，食到回本基本上零難度，只要不是雀胃，唔食回到本先高難度。
開餐前最欣慰，是基本上，餐具和碗碟算相當乾淨，很多廉價任吃都做不到這點，又其實何止廉價，有些所謂酒店自助，都做不到這點……

手震相照出啦，係門口見到個價，真心震撼，以為朋友老點大伏，不過還是冒險去也。

食物款式當然不算多，沙律前菜兩款，配合印式醬汁，還好。

小吃有炸魚，天多利雞跟薯，款有限，炸魚比較乾，我不太喜歡，特別推介天多利雞，水準比大多土炮印巴咖哩屋好一個層次，食哩個食到回本不是夢。

平的第二個原因，是款式比較少，但午餐來說，平時食印餐都係一份咖哩，頂多加個小吃，現在有六七款選，怎算，都不少啦。

另外有數款咖哩，好好味！看似紅紅的，以為佢好辣，其實只香不怎辣，很容易入口，香料味有層次，好吃。

極力推介有，風味特獨的鄉村芝士，很多店一份都幾十蚊，食三數份無壓力，而且做得很好。

主食有米飯，心想死得，減肥戒飯無得食，但食食下原來會送上餅一份，咁又OK。

當天，甜品是印度布丁，Sorry，我天正減肥中戒甜品戒飯日，試唔到，不過都唔緊要，咁抵玩，下次再食。

閒日 110 + 10%服務費，承惠 HK$121，無其他雜費，埋單堅係121反而嚇親我。平時去街坊咖哩屋一份咖哩加塊餅加杯嘢飲都要八十多九十元，現在多給數十元就任砌，食到夠，重要幾高質，服務有些懶洋洋但很周到，唔趕時間OK。見咁多印度朋友光顧，就知道靠得住。

食物水準物超所值，價格超OK，地方OK，當然要嫌要挑的地方，也有很多，但尖咀食碗麵都近百元，而家俾咁多嘢你慢慢坐慢慢食先HK$110，十個抵。

Masala Hut
地址；尖沙咀金馬倫道22-24號東麗中心2樓