三個月減近20磅!可以自認減磅KOL?
3月底開始減肥,由近200磅起步(致199 的我: 不想Black的話,只好減肥了),4月初去到190磅左右,但反彈回近195,5月8日,達到185磅,苦戰個多月,終於在今天降到179.9磅,好耐無見過的數字。BMI降到26.6都是爆錶,但已改善不少。三個月減了近20磅,單係磅數,可以自稱減磅KOL了吧?(笑)
注意:本文純為個人心得分享,並不保証本文內容安全性和適用性,如有關健康和體重管理疑問,請向專業人士查詢。

磅繼續用米磅2,方法都沒什麼改變,主要買了Ring Fit,但也著實玩得不多,另有一個合作產品,都OK幫到下手,之後另文介紹。另一優勢,是夏天來臨,在街單是移動都可以當運動,飲食主要還是168的八小時斷食,配合大減糖減澱粉飲食,多食少餐,食飽每一餐的方針。外食其實不太有壓力,壽司,火鍋,西餐,日本菜,老麥,酒店餐,款款我都食齊,不太會破功,吃對方針就可。

本月飲食新加兩個秘方,其一是減少生果,其二是多吃牛油果,幾乎一天一個,但因為牛油果比較高能量,食用時要減少其他飲食份量配合。飲品方面,甜飲戒了,但一生一世的茶類當然不會戒,日本綠茶,中式烏龍,歐系紅茶,通通都要,咖啡照飲,但奶類Say No,豆漿因為家附近的自製小店長休中,買不到高質量品,少喝了,就這樣。
原本想去拔罐,金錢換時間,但疫情期間就算了,快不了當省錢啦。
體脂未有耐達標,距離體重目標重差20磅,其實重係好絕望,不過,比起差40磅的死地絕境,20磅是可以看到盡頭的地獄。希望真係有機會16X啦,都唔知幾多年未見過。破到170,影張相俾大家睇,威番次。
185 磅,真係好近標準啦。
加油!