《足球小將 Golden 23》： 又又又再衝出亞洲
1981年開始連載的《足球小將》，一踢數十年，再復刻本文的2021，己經是40周年，如你跟戴翅偉一起讀小學，如今，應該已變中坑(中年人)甚至老人家，當年會踢波，如今都會，不過只限係遊戲機上面。書中一眾足球小將，現在才剛進入當打期。
眾所周知《足球小將 》的日本原名叫《キャプテン翼》，即是Captain翼，翼指的是主角「大空翼」，即是我們港版所說的「戴翅偉」(後來翻譯為「戴志偉」)，近年被翻成《隊長小翼》，不過，眾多作品中，2021年仍在連載【Rising Sun】，內容離奇程度已達到死者復活之類，個人倒比較喜歡《足球小將Golden-23》(日原名：《キャプテン翼 GOLDEN-23》)，因為負責日本隊領軍的，不再是那位萬年不敗主角。
Golden 23 是繼世少篇、世青篇、一眾足球小將，又再次衝出亞洲！
注意：內容有劇情！
《足球小將Golden-23》(日原名：《キャプテン翼 GOLDEN-23》)，是長壽日本漫畫《足球小將》系列最新漫畫作品，作者為高橋陽一，由2005年開始連載，香港版由文化傳訊出版，故事緊接對上一輯《足球小將 Road to 2002》，至十二期為止，連載完抽寫日本男子奧運足球隊，在亞洲區外圍賽爭取出線的「亞洲激戰篇」。繼續之前，先來故事簡介：
由吉良教練領軍的日本U-22足球隊正式進軍馬德里奧運，決定不起用國外球員(最後還是有用林源三)的新生日本隊，如何面對一眾亞洲強豪的挑戰？由合稱「3M」的麥泰來(日原名：岬太郎)、松山和三杉淳領導下，日本隊向奧運決賽圈進發！
以前常笑說，《足球小將》是「無敵系」運動漫畫，勁射破網爆壁如家常便飯，人物一跳就比龍門還要高，而且就可以停在空中半集，都是經典笑位。在近幾輯，卻越來越疑似真實化，人物跳躍高度大大減低，大多都在龍門高度以下，必殺射球也很少射破球網甚至重傷球員，雖然翅偉仍然無敵，卻沒有從前般誇張。最後一戰，要領先澳洲三球才能出線的設定實在太誇張，這場打了近三期的大戰，亦一如以住最終戰般戲劇化。由立花兄弟以自殘式的「一飛衝天彈跳射球」入一球，到健威和新田使出合體必殺技「若堂流新獵鷹射球」入二球，然後澳洲隊長杜維加打反擊射入一球，然後泰來以傳球令井川頭鎚頂入將功贖罪，到最後由主將泰來發揮潛能射入決勝一球，可算是非常足球小將式的勝利。
這輯沒有了無敵戴翅偉，屈機(金手指)中場的責任就落在泰來手上，不論對尼日尼亞的熱身賽，或者最後出線攸關的對澳洲賽，泰來恨下決心，發揮出不下翅偉的實力，都是比賽關鍵和高潮，當了那麼多年「黃金拍檔 = 翅偉專用撞牆反彈柱」，這個角色總算出頭了！因為吉良教練的「潛能」和「一人一技」，很多角色都有出乎意料的發揮，如健威轉打「柱躉式前鋒」就非常驚喜，早已淪為雪櫃人的佐野和守中衛也有機會大顯身手，實在令一眾由中小學篇已經追看的朋友非常感動。
恆例每一輯會加入強勁新人，這輯中表現最亮眼的，當數五人足球拍檔「風見和古川」以及全能球員「井川岳人」，前兩者以五人足球的控球方式大大增加比賽可觀性，後者以驚人體質，在最後一場令日本隊反敗為勝。又其實，如其不停加入新強者，何不好好將一眾中小學篇的老朋友復活過來？世青時風光一時的RJ7，如今上場機會缺乏，更別提一眾南葛中學的球員，來興龍一等等，都快不知道變成什麼樣子了。
「黃金拍檔 = 翅偉專用撞牆反彈柱」(狂笑)
我要把這個宣揚出去 XDD
I always suspect 教練 is dating 戴翅偉’s mom. Doesn’t he live with them? I remember a scene in the cartoon in which all 3 of them and a football sat down for lunch at 戴翅偉’s house. Oh and 三杉淳 has heart disease but hasn’t died yet.
來興? 龍一? 因為脫離漫畫太久，所以變成中年大叔一邊飲啤酒一邊打緊winning 了…(仲有德仔佢地, 應該都係做緊打工仔等放工去居酒屋吹水了…)
三杉淳未死係因為心臟病醫好左! 之但係自己有心臟病, 所以要做醫生「醫好自己」呢個設定點講都講唔通….(要對早期的設定認真的話係同自己過唔去呢!)
Soccer的鼓動,下回你會看見時代的眼淚( 現在也看到…
=====================================
-題外-
說起長壽日本漫畫,連”開始的一步”(第一神拳)也有新一季動畫, 感覺和多年前一樣製作認真, 對我等”不萌”的動畫愛好者,絕對是天大喜訊. 有空也寫寫第一輯吧~
yea~ 有守中衛出場, 泰來做主打(大悅). 甘我上網特登睇呢集先!!
同樓上一樣疑問, 三杉淳應該適合做教練, 教下世青甘
「守中衛也有機會大顯身手」
這個真的很欣慰, 因為守中衛(日:井沢守)是小弟於足球小將中最喜歡的角色! 連現在玩WE的「Become A Legend」小弟都是以他命名球員!
p.s. 今回水木「被迫」放棄了, 那星期應該不在港… 可惜!
我可是”跟戴翅偉一起讀小學”的一員
汗顏^^||
仲有沒有梁仔用塊面波的絕技﹖
第一次留言..
德仔仲有打ar
唔知邊集話佢係u17定u20隊長~
不過整左個勁核突”足球髮型”..
之前唔係話好多中學時期既球友都入左職業隊咩?
好似”大舊衰”高真吾,”永遠第三號門將”山崎等.
仲有我最愛既”修哲三劍俠”來興龍一守中衛!!!
最記得係小學時期既”鳥籠戰術”~
想不到泰來終於有此一日出頭天
走出了翅偉的陰影
可喜可賀
不過，話說翅偉在這篇中當甚甚麼角色？為什麼封面仍有他的存在？這是否叫行蹤不明？(摩亞腔)(廢話！系列主角怎能不上封面？)
自己係足球小將初代中段先有睇,之後外國冇電腦skip咗一大堆之後放棄…
當年都係因為戴翅偉先喜歡上足球,不過你話佢唔做leader,敢做緊咩呀?
哈哈,不貼切嗎?(大笑)
翅偉老豆去左行船,所以得番呀勞比度叔叔同佢地一定住…沒有明顯証據佢同阿嫂有特別關係(笑)
三杉淳後來醫好左個心,做左職業球員
來興龍一去左踢聯賽,冇咩建樹果聽…德仔變左少年軍隊長,好勁的說…
古早足球小將的設定…只能用得啖笑來形容…
第一神拳我麻麻地…足小比較有情意結
果然,泰來特別多女球迷(笑)
世青由林源三個教練做…教德仔果隊…三杉無得撈…
守中衛是前修哲轉投南葛後,沒有變廢的…中學篇,來興龍一講係前鋒,但連波皮未掂過幾次
噢~~~水木那邊可惜,以為有機會一聚
這兒應該有不少朋友也一樣…不必汗顏(笑)
有呀,重入左球烏龍波
果個頭,完全唔掂…幸好後來變番正常…
班友去晒踢日本聯賽…連樑仔都有份…
健威轉左去踢前鋒,森崎成為二號門將(笑),三劍俠,後來都冇晒影…
我覺得最爆笑係中學,明和東果班鏟球部隊…分明犯規的說…
翅偉去左西班牙搵食,同班宿敵係聯賽比試…賺真金白銀(笑)
佢去左西班牙踢聯賽,冇份係亞洲外圍屈機…
足球小將只看過一次，印象並不深，但我想問翅偉係打咩位，感覺上見到個波就會見到佢…
唔只啦，龍珠咪又係，打到後尾，亞樂唔見人，無閒無甚寸進，新人就好抽得多……
最唔鐘意足小，每一篇都必備重用匣：大次米畀加車撞到，佢識用波卸力落地，盧比度大感愚子可教，林源三話雖然係波到寫繁體字，但係由後山飛黎，一定係中學生，跟進兩個人係校門外交錯，大次米再一次令人O嘴，將個波由巴士底(行駛中)射番過對面……
大刺蝟要繼續同利華爾爭位踢，唔得閒踢U23了~
話說 足小有球證的嗎= =
小學篇有集示範得益規條，世青篇有次志偉示範插水，都好似有球證出黎架！
話說，從未愛上呢套野，但硬係好有印象，好詭異…
邊看足球小將邊笑 我真的很久沒看 請問屈機龍門林源三現在怎樣
佢個位”應該”係進攻中場,大約係細哨或者謝拉特咁上下…但,只屬應該…人家全能麻
其實日漫都見得比港漫好幾多,一拖長,又係新角色不停量產…
初代成日重播那幾場,好彩後來改篇作已經冇咁離譜,唔係真係會”飛碟”(笑)
佢唔知畫唔畫埋決賽圈…利華爾講到咁堅,重有改造人同球王,日本咁都能勝,就真係勁金手指(雖然世青已經金手指得好過份…)
有,小學已經有,最出名,松山對小志強果場,咪判左兩(不敢肯定兩個定三個)個十二碼
哩套野就係妙在唔係好多人鐘意,但個個都識,你都咪話唔成功
係德國踢聯賽,但被人雪,所以回國踢u23,但又成日受傷…
有
好可惜呀，係呢做時候，球證吹雞完場！
由於佢成場波都係一邊看熱鬥食點心同閃避超球，所以無乜執法，因此亦無補時，每次都只係吹雞完場，係足小，球證可以話係身心俱疲既球員救星，係打左六集共240分鐘既比賽後，你聽到球證吹雞完場喎，你唔開心到喊呀？
通常要等到日本隊領先,先可以完場,成日要等班友追幾粒…好痛苦(笑)
sorry，係係打左六集共120分鐘既比賽後
不，是太貼切了，我非常喜歡這個詮釋XD
请问小志强点解无晒D戏份0既?
謝謝
以劇情來說,因為吉良教練沒有召回海外球員
個人覺得,是因為作者想給機會新田和健威這對前鋒拍檔
點解無人講下志偉果細佬志朗,可能會是足球小將第二卷主角呢,哈哈哈