談「遊戲機中心真人快打事件」
2021復刻感想：2021年，遊戲機中心幾乎成為歷史，這類快打事件，已經鮮少出現，或許，也成為歷史。開版圖是真人快打11的圖片，當年的我們，能想像現在的遊戲可以這樣嗎？
原本想等星期六網選用，但，越想越多話，就來講講哩單「遊戲機中心真人快打事件」，其實，類似事件都時有聽聞，口角事件更是天天發生。幸好至今，仍未見有道德界拿來負面化電腦遊戲。道道德德一向唔係我鐘意的話題，話題，當然係「點可以玩得開心又安心」。
遊戲機中心的格鬥遊戲區，通常都殺氣騰騰，大家殺得性起之際，更加應該注意禮儀同人身安全。雖然不同類形的遊戲都有比試決高下的情況，但，格鬥遊戲的公平性或者規則，一向爭議性很大，最少比賽車或者球類遊戲為大，有時，敗者會覺得勝者用「疑似屈機(出千)行為」取勝，怒氣自然更盛，可能因此，這類真人快打事件大多出現在格鬥遊戲玩家身上。
事實上，不同區，甚至不周店中，人與人對戰的共識大大不同。比方說，最主流的共識「讓Round」，在某些店是不通行的！「讓Round」是香港比較流行的不成文規定，即多是三局兩勝或五局三勝遊戲中，先勝者，會讓局給對方，留在最後一局決勝，令雙方都可以玩足全局。但，各處鄉村各處例，有些地區，是「唔講明唔讓Round」，如果唔熟架步，開局前不妨多口問一問規矩，以免雙方各執一詞引起不快，甚至更嚴重事件。事實上，遇過或見過很多爭執就是因為雙方各守自己「家鄉例」而引起，實在難說誰對誰錯。
個人覺得，禮儀上來講，入錢挑戰者應該要尊重被挑戰者，因為入錢者可以「睇住對方食」，規則上如果有分歧，應該遷就被挑戰者，方為合理。打法上，最好避開一些公認有問題的打法或角色，老實說，依賴遊戲設定優勢(俗稱屈機)取勝，勝了，滿足感也不會高，遇上用屈機的，更不用火大，如果閣下能以正道擊破屈機，豈不是臉上更有光？
有些人兄，坐下來一臉不屑，勝了就出言侮辱，輸掉了黑口黑面，再輸就口出污言，勝了局機，輸了人格，何必呢？打機只係娛樂，玩得咁悲慘，何苦呢？尊重自己，尊重別人，先係快樂遊戲。打機，求開心，唔係求氣，更加唔係求傷，你地話係咪？勝負當前，肉緊在所難免，但，大家打機，都係求開心，輸了仍然可以保持心情，幾蚊，就學到樂天面對得失，又點算輸呢？
雖說絕大部份遊戲機中心也是安全的，最少，我這個常客，見過真人快打，叫見很多糾紛，自身未嘗遇過什麼大危機。但如果覺得對方有異樣或感覺有危險，不妨隨意敗陣之後走人，遊戲機中心始終是公眾地方，玩之餘，還是要保持警覺性。一局機，不會比自己的人身安全重要，對嗎？
以自己的個人經驗,同陌生人打機,玩格鬥game的讓round都不算大問題,反而一邊行一邊打橫向動作game,大家想不想死,就算之前講到明話點點互相幫手都好,生死關頭一定會爭寶物食.
我覺得打人那位老兄較適合玩500合1,1-2蚊鋪果d機….
當然,不是指讓round的問題不會在其他人身上發生,而是該位老兄知道自己脾氣火爆,就不要到受挑的遊戲(kof,sf,Gundam..)入錢玩(有人喜歡挑機暫不評論)
我究竟在說什麼…冏a
其實打機輸左有咩咁大件事，又唔見d人考試唔合格打自己幾拳?
只怪打機輸左而動粗的人大多是uneducated的一類，教精佢都浪費時間。
咦，是偶的地頭，三不五時都有去的地方XD
甚麼不成文規定也是假的，只有一條「願賭服輸」就是真的。想不到時至今日還有人把二次元的勝負拉到三次元中，老兄，不滿的再入錢打多局啦！
過氣的不過一二元開局，何樂而不為？反而每局十多廿元的三國志大戰卻未聞有人輸機打架，難道玩遊戲也有高級與低級的分別？
打人者未必係uneducated, 商場內幾多高學歷人士一樣係冇品又記仇.
但打人者一定係低手. 上進的player輸左會自我檢討, 諗下自己的打法有咩問題, 可以點學對方或者諗下點破對方的打法. 輸左之後發老脾, 點進步?
我都間中有去… 真係, sf3.3只係收$1, 為左$1而打架, 唉.
新果部鐵拳6仲健在嗎?
這是加場，這是encore，給小小錢可以玩真人格斗，物有所值。
其實同錢冇咩關係，只係條氣唔順而已，去機鋪最好同班FD去，勝在唔洗講咩規舉，贏左玩多鋪，輸左得啖笑。
我都有睇單新聞。五六年冇去機鋪，原來round 2不是必須讓round嗎?我以前要賠局喎..(重拳變左撻..唉)
屈機梗會火啦…Virtual Striker永遠俾人開波遠射…返屋企打DreamCast好過
其實耐唔耐都會發生呢d事
同埋我真係唔明屈機win左有咩咁開心
打機都係為左尋開心,本身於人無損.如果只係為左幾蚊雞無左應有的品格實在唔值得.
因為我開網吧﹐以前又管過機鋪﹐特別有感覺。
你呢個問題等於問﹕點解有人打機打cheat code一樣﹖
有人鍾意贏果種快感﹐所以屈機都要贏。
有人好介意輸贏﹐無論係遊戲定比賽﹐所以輸0左就會一肚氣﹐爆晒粗。好似打warcraft﹐D靚仔都可以打到拍檯拍凳。
有人打機好有代入感﹐玩煉車game都好似煉真車咁﹐好叉大動作。
假如你挑機﹐對方唔好老脾﹐你又係斯文人﹐人地輸左唔忿氣鬧Q你﹐你咪講聲唔好意思走囉。
仲有好多唔好老脾D人都係揀人恰0架﹐就算自己係公仔佬﹐但如果對方個樣都係大刺刺﹐D人都未必敢搞佢﹐但見你斯文靚仔四眼龜﹐就實搞你﹐呢種情形成日見。
就算玩三國志，話唔定打輸左都會發老皮想開片架，只係玩得「全國對戰」，對手通常都唔會同場，想打都無得打xdd
除非玩「店內」，但玩呢個mode，接近咩野都升唔到…囧
橫向動作都好少出事,大家都係打電腦,無咁傷和氣
唔,的確有些仁兄,本身個性比較偏激,可能真係唔合玩些競爭性遊戲
哩類事,的確係好迷
通常自我控制能力都不太好,間接來說,技術都不會太高
的確,怨言多多,又火大的仁兄,技術都唔會點高
強者會自強不息,弱者只會怨天怨地
真人版,唔入錢都可以有得玩,不過後果自負之麻
不過同fd玩,技術好難進步
通常讓,但我去過有些店,店規(即係常客的不成文規)係唔讓…
屈機唔奇,某些地區打高達,三局有兩局見到公認”最終大佬”的屈機組…win左都冇面啦,開來做咩…
開屈機或用屈招…win左都冇面,輸左即頭樣衰…我都唔明點解要用
無錯,打機最緊要係大家happy!
欺善怕惡既當然有,我覺得,遇到哩類人,既唔好同佢衝突,但亦唔使驚佢
上次有個公仔佬,屈我機唔成,係度凶我,之後我好客氣咁問佢”咁你要我點打?下局我跟你規模打”,之後又打低佢…條友即刻無聲出…當然…對方得一個,另外,win左哩局,我都起身走人(以上行為有危險性,請勿模仿)
賽馬機同大d機都係差唔多情形,網上對戰安全d(笑)
我試過一日之內挑左人地百幾蚊機. (七八蚊一舖既KOF新機)(好多年前)
有上進心既, 一路挑一路練技巧.
無上進心既, 咪等無人既時段先去打囉.
打機攪到打人, 真係樣衰. (如果現實世界都輸埋就真係樣衰到爆.)
呢招真係幾危. 但都係最好既招. 打多次都一樣, 仲有咩好講?! 同埋佢心火盛, 實輸啦~
簡單來說，就是香港人以至中國人「愛面子」的問題。
沒錯輸掉一局格鬥遊戲只是輸掉兩元（世界上打機最Cheap的價錢），但輸掉的面子事大，因為這代表了有一方技不如人，能力不足。
如果其中一方借勝出而「大搶面子」，耀武揚威，就會發生打鬥事件，原因就是敗的一方企圖用「武力」取回失去的面子。
在下最強試過打Virtua Tennis連贏35局後被飛煙灰缸，現在主打三國志大戰，對方想打也打不了，因為是遠距離連線對戰，哈！
通常心火壬盛都輸機,的確係,燥底同技術,通常成反比(笑)
vt可以35連勝,劍心兄就是強…我最強試過高達17連勝咋…自問持久力差,咩機都好,通常win到十局就會叫悶,想換下機又或換下玩法,於是就輸了…
幾蚊，就學到樂天面對得失，又點算輸呢
就因為你這句 我以後G VS G都多D用X高達 小用盟主和自由高達吧 我們澳門昨天才有人在吵架 有人用自由高達係咁挑人機 打唔過就走到TIME OUT 之後再挑其他人 最後被很多人罵 要店員幫手=口=”””
不夠打就拉timeout的做法十分不值得學習,特別是用freedom…
我见过有女仔当场出PSYCHO SWORD，即系有人出小雅D招，呢个系最危险既绝招。
以下系出招指令(限女仔用)：
PHOENIX ARROW-214B/D
跳高兼向住对手撞落去(214D加踢一脚)
PSYCHO SWORD-623A
踎低即刻打上去兼跳高转身(靠近对手时用)
SHINING CRYSTAL BIT(超必杀技)-6321463214C
同对手远距离企o系度，合埋眼，双手放平，再出气
请问呢招饷真人拳皇gor阵出唔出到？
CRYSTAL SHOT(超必杀技)-214C
单手揸住水晶石兼举高，对准目标，再掟出去
我见过有女仔当场出PSYCHO SWORD，即系有人出小雅D招，呢个系攻击力最大既绝招。
以下系小雅绝招既出招指令(限女仔用)：
PHOENIX ARROW-214B/D
跳高兼向住对手撞落去(214D加踢一脚)
PSYCHO SWORD-623A
踎低即刻打上去兼跳高转身(靠近对手时用)
SHINING CRYSTAL BIT(超必杀技)-6321463214C
同对手远距离企o系度，合埋眼，双手放平，再出气
请问呢招饷真人拳皇gor阵出唔出到？
CRYSTAL SHOT(超必杀技)-214C
单手揸住水晶石兼举高，对准目标，再掟出去