駌鴦
駌鴦，鳥類一種，不過，一般香港人，好似我咁，都係係茶餐廳先會見到佢。
駌鴦，係茶餐廳入即係奶茶加咖啡的混合飲品，可算係港式飲品經典。由佢發展出來的「駌鴦汽水」(即沛混合兩種不同汽水)，亦成為香港特式飲品之一，唔知有冇人同我一樣會咁身痕將”可口可樂”溝”百事可樂”飲呢？不過，今日唔係講汽水，講番駌鴦。
駌鴦真係好香港，唔用港式奶茶加港式咖啡，完全做唔到果種拹調感，信不信由你，我係老麥試過自製，四個字：完全唔掂，兩種風味各走各路，完全無法混合為一。駌鴦個名真係好貼切，奶茶加咖啡如果無法子結合，果杯駌鴦就唔係駌鴦，只係一杯奶茶加咖啡。人夾人緣，奶夾啡緣，調得出極品奶茶的茶餐廳，都唔一定可以調得出好飲的駌鴦，反而兩樣都做得平平無奇的小店，又會飲到出奇地好的駌鴦。
駌鴦比奶茶更跟厚瓷杯分不開，熱駌鴦總是要跟厚瓷杯一起，才可以顯出那種沉厚風味，顯出那種獨特的既是別人又是自我的風味。駌鴦始終係二奶命，推出過紙盒裝、鐵鑵裝等等，都難以大熱，偶爾在超市見到，都只能屈在一角，無得發圍。
來自什麼，重要嗎？重要的還是那與別不同的風味，就算被人覺得不三不四、次等產品，只要對味道有信心，有天，總會遇上懂得欣賞的人，為了別人幾句閒話，就將比例調來調去，最後只會是一杯什麼都不是的三不像。
晚上，其實，唔應該飲駌鴦，因為，會眼光光……
我始終都是喜歡奶茶是奶茶﹐咖啡是咖啡。鴛鴦不是我的那杯﹗哈哈﹗
看過一張大陸餐廳的Menu，譯為Mandarin Duck Milk Tea…
鴛鴦同[嫣央]
我都係鍾意鴛鴦（戲）汽水多啲~~（大笑中~~）
可口可樂溝百事可樂? 好飲嗎? 好好奇呢!
“晚上，其實，唔應該飲駌鴦，因為，會眼光光……”
哈哈哈, 所以有呢篇文的出現。
我通常是飲齋啡。
唔落糖, 係唔係叫”苦命駌鴦”?! :p
鴛鴦我好少叫…
我係公司pantry自製鴛鴦：柯華田加咖啡…
又是地道的好東西,外國人(多指美國人)多飲starbucks那一類咖啡,而且還真會當水一樣飲那麼多.
鴛鴦勝在又滑又厚,而且奶茶加咖啡那種味好獨特.(外國人的咖啡同奶茶不會拿絲襪來沖吧?!)
想起一句話:每逢去西式餐廳吃飯,侍應總會問一句”coffee or tea?”,好明顯鴛鴦就不是西式產物了,因為你不會答他/她”coffee AND tea,please.”
影大也愛溝汽水飲的嗎?
從前愛將可樂加上檸檬味汽水,就成了檸樂了.(不過現在都有檸味可樂了)
另外以前x光有一種紙包桔子水的,我就愛將它混入綠x紙包橙汁一起飲;怪怪的,不過也算是”細路雞尾酒”.
雖然開始時都是咳水,兩種可樂好像配方上有些微分別,但經過兩百年不斷修改味道後,現今好像沒有明顯分別了,影大原來愛將”可口咳水”混”百事咳水”,嗯……..
我好怕朕味…
中六時有個老外做班主任
佢中意飲「齋鴛鴦」(走奶)
朕「除」隨住班房「縮縮地」o既冷氣味飄向每一個同學的鼻腔裡面…orz
飲咖啡或奶荼,我都會肚痛,如果是溝埋一齊的鴛鴦,我怕下場會仲慘喎……不過味道,我都想試試
我較喜歡無啡鴛鴦。
我真係未飲過鴛鴦, 因為我唔飲咖啡味0既野…
原來係飲咗之後瞓唔著..唔怪得知會有咁既偉論啦..
鴛鴦好啊,又無淨咖啡咁苦,又無齋奶茶咁甜
唔…好少飲，不過都同意係好地道的香港特飲^^
咁鬼馬?!神奇的”意譯”!
字謎?
文風兄,你鬼馬喇….
正是正是…
可樂mix 百事,其實無咩特別,得個甜字,下次試下light版可能會好d
咁苦?
好名好名,可惜唔好飲o番:p
嘩,哩款我未試過,真係掂?
你d mix都好有創意
綠佬真係唔慣陣味,我情願要fun達…係七仔整四溝,溝完得個甜味
哈哈,雙樂合一是我獨愛口味(笑)
哦~~~~青年陰影~~~
哩個同我另一個習慣近似…
嘩…咁慘? 唔好試…有些人真係會過敏,唔好勉強
咁鐘唔鐘意汽水走汽?:p
可惜,coffee是人間佳味哦
正是,你飲杯試試:p
可能係香港文化特色之一
呀嘿~ CASE2﹕
一對情侶o係茶記﹐一個點奶茶﹑一個叫咖啡。
伙計﹕黎個「拆散駌鴦」﹗
唔受得咖啡 “and/or” 奶茶 可以話係一種酷刑….
不過, 為免比人鬧, 已經由每日4杯咖啡減到2-3杯…