豉油碟檔的宣傳(附部份金句)(18PG+)
注意：內容涉及色情及不雅物品，未滿十八歲或不喜者勿進！
豉油碟，港式俗語，即所謂「咸碟」，色情電影光碟是也，因為近年香港流行的vcd和dvd所以都以碟稱之。這類影碟可分為各國出品，又分為三級四級，相信是沿自香港電影分級制，三級指十八歲以下不宜，四級即係超勁，可能18歲以上都不太宜，香港電影三級制，四仔某些人視為禁播級，但不算準確。另外一個流行叫法係跟日本叫AV，即係Adult Video，成人電影，不過此字容易跟影音器材簡寫的AV混淆，令真係玩AV器材的朋友蒙上不白之冤。
豉油碟檔即係賣鼓油碟的鋪頭，香港豉油碟檔每每都會想出各種絕橋，當中不少甚具本土特色，其中一些更成為流傳香港的佳話。今天在某商場看到走廊上貼著一張畫著箭頭，寫著「大飛每日新貨運到」的黃色紙，起初完全想唔到係咩，後來看看張紙背面，先發現原來係鼓油碟檔的宣傳標語，認真有創意！昔日旺角”好勁”的經典金句：「四樓有四仔、四仔無格仔」 (請用平板語氣反覆讀出)更加係一時佳話，不少才子佳人都專程去一睹這個旺角名勝，雖然唔知當有幾多人有買番幾隻做手信，但宣傳效果十足，都算係一時佳話，不過此名勝在”好勁”裝修改版之後已經變作歷史，成為另一個香港傳說。
另一個比較有印象的，就係旺角一個商場的扶手電梯，有一位男子以快速平板的語調在念著一堆日本名字，然後加一句上x樓，難得聽到稍為熟識的”直豎母指”，所以相信是大打名星牌，但哩位哥仔的數白欖手法，令我想起達明一派的「天花亂墮」，真係勁有創意！
尤記得早兩年信和，豉油碟檔當道之際，竟然有大大聲宣示以睇完試過先買做宣傳，還要堅稱有壞包換保証”靚貨”，暫且先不討論這個做法的正當性，想到以這種方法去消除客戶對品質的戒心，頭腦和創意實在不得不讚，亦可見其實行行都唔易做。最後不得不提，鼓油碟檔的”推廣人員”通常都十分熱情，見到男士，遠遠十個身位已經大叫口號，熱情招呼，懶理你有興趣無興趣，就這點，絕對足夠好多零售行業從業員汗顏，係呢，百字頭電器，下次我試數碼相機問多兩條問題，可唔可以唔以唔白眼同無視我呢？多謝晒先！
最後要感謝各位留言朋友提供的精彩金句，首先送出由Middle提供的：
「一百蚊帶走五條女！」
然後十分感謝由9527提供的精彩四仔語錄：
冇格四級、化痰止咳。
四級冇格仔,最咁你地睇
4仔好好睇,最o岩四眼仔
四仔四仔,好睇又低
三隻一佰；四仔冇格！
四仔冇格仔 , 男女都arm睇
一百蚊四隻,越睇越大隻
難得開到鋪買番3﹐4套
唔買四仔,點中馬仔
大個仔, 睇四仔, AV女郎, 無格仔
男既夠搏女既夠索
四級冇格,唔係還珠格格
三仔超薄格,五隻賣一百
喂,四樓有四仔
唔買四仔，點中馬仔！？
唔係老作！男既夠搏女o既夠索！
四級冇格，好過睇還珠格格！
人一世,物一世,買隻返去睇
三仔超薄格,五隻賣一百
寧食少兩餐 四仔錢米慳
再來是文風兄提供的搞笑遭遇：
話說曾和老婆行經此類商場，那些熱心推銷員竟連她也不放過，還大大聲說：「無所謂架，而家男女平等吖嘛！」
四樓有四仔、四仔冇格仔。
頂﹗又畀你呃咗入嚟﹗乜鬼嘢18+呀﹖都無料到﹖我夠識講色同性啦﹗重有味道美和黃色成份添﹗全部都係得講「字」。呵呵﹗
我依家對四、五仔無興趣。對七仔興趣大啲﹗名副其實「食色性也」。哈哈﹗(食係人的本性。)
X 2 成日都中計~
之前曾經問過一D好中意買鼓油碟人士點分,3仔同4仔…佢答我…3仔有格仔4仔無格仔…仲有3個D女靚D
最近聽聞某商場有新招…
商場有地下,一樓,二樓…本來係地下賣既,但最近我朋友去地下佢買開果間店，無得賣,門口有個人派左張咭片比佢,淨係寫左二樓384號鋪..咭片寫咩推廣主任之類…好似正常咭片咁..但識途老馬都知咩事，咁佢就走上二樓..
但好奇怪..二樓D舖全部都係2字頭…邊個有384號舖呀….
但買開有舖引，無得睇今晚唔洗訓，唯有企係度等其他識途老馬帶路，終於皇天不負有心人，比佢跟到去目的地…
吹脹…舖明明係2XX,但門口用手寫左張紙當舖名..就叫[384號舖].
我呢,覺得佢地都幾好計架…
我打定平常心入來啦……
荃灣仲有幾間，不過我沒有入內。
自從BT當道後，鼓油碟已經息微了。冇格仔唔一定係四仔，有d冇格片根本冇野唔出得街，所以係冇打格，買左唯有嘆唔好彩。我一直有疑問，就係「人間廢業」究竟係點解；加滕鷹點解個樣咁殘；小「澤」圓同城中「驛」有咩關係…。
佢有d宣傳語句，真係仲寫得好過家下的廣告，生鬼有趣，唔做黑社會可以進軍廣告界…
雖然未至於笑容滿臉，但總算有壞包換，唔會兇你。哈哈..我不是買3仔4仔，買game碟咋！
哈，我好記得係信和聽到「一百蚊帶走五條女！」，差d 當場笑左出唻。 :p
咁就叫１８禁？
哈，看來真有不少人是為了那句18禁而進來哩！
我又如何？我純粹是來捧場而已，呵呵~~
話說曾和老婆行經此類商場，那些熱心推銷員竟連她也不放過，還大大聲說：「無所謂架，而家男女平等吖嘛！」真係笑爆肚！
4 仔語錄
冇格四級、化痰止咳。
四級冇格仔,最咁你地睇
4仔好好睇,最o岩四眼仔
四仔四仔,好睇又低
三隻一佰；四仔冇格！
四仔冇格仔 , 男女都arm睇
一百蚊四隻,越睇越大隻
難得開到鋪買番3﹐4套
唔買四仔,點中馬仔
大個仔, 睇四仔, AV女郎, 無格仔
男既夠搏女既夠索
四級冇格,唔係還珠格格
三仔超薄格,五隻賣一百
喂,四樓有四仔
唔買四仔，點中馬仔！？
唔係老作！男既夠搏女o既夠索！
四級冇格，好過睇還珠格格！
人一世,物一世,買隻返去睇
三仔超薄格,五隻賣一百
寧食少兩餐 四仔錢米慳
你提起信和d “sales” ，有次我同朋友行信和，都不約而同地覺得，「信和駐場」仲勤力過好多香港打工仔…
只不過多數都係造型比賽差咁 o者…
點解個個都打左豉油碟做鼓油碟….
依家信和都改場了, 變0左做正經場, 但其實變0左樓上鋪囉…
0的古惑仔0的詩詞歌庫仲勁過0的讀書人呀…
“4仔冇格, 6隻一百”呀…哈哈
依家係「猩際」仲有得參觀,不過最好都係走遠少少,試過有人入去鋪頭忽然關閘,原來是掃場結果困左好耐
而家商場檔少左，不過落哂去彌敦道，一個唔覺意你以為係賣羽絨結果係四仔卡片
講真,我聽過有人用哩兩句做鈴聲……
哈哈,得左!
個四仔講法我有保留，西洋的應該係無格，咁唔通憑西片就係四仔兼女角唔靚？
佢地經營手法真係好有一套,不得不讚嘆
好野,果然係醒目~~~
哩類鋪,其實全港各區都有,重區區有特色
佢地真係幾有計,創作又押韻,真係好多文采普通之士都自愧不如(笑)
哩個掂,勁爆笑!!一陣收入正文先!!
我覺得好成功呀,有咩問題?
好x商場個句四樓有四仔好經典架,以前放學日日都經過個度,日日都聽住佢咁叫.記得信和個時仲搞埋d乜野[直豎拇指]簽名會,搞到連我買漫畫都要被困信和………
謝謝文風兄捧場,那句可能真的引入不少意外收獲~~~
文風兄提供哩個都好正!!收唔收入去好呢?
正!!!謝謝提供!!
雖然未致句句精警,但好多都勁得,一陣收入正文先!!
係呀,佢地勤力同敬業程度都很好,起碼好過好多百字頭電器鋪的…
千錯萬錯,因為我,真係七月多怪事? 謝謝,anyway,大仙
佢地d創作好得架,幾句到位,重要押韻果下抵死呀麻
好多年前黃金老番店,有友人試過被困幾小時…
羽絨堆中的四仔?哈哈,這個旺角街頭都算成日見
哩單野我都有聽過,果時先知原來呀母指姐係香港勁多粉絲
一百蚊四隻，越睇越大隻。←我最中意呢句。
我個Friend都撞過果D派咭片既Sales，佢張咭片既銜頭竟然係「CEO」。。。
哈哈,哩個都好笑…CEO…掂!!
話就係咁話喇…我一走入去…全部男人雞飛狗走,先知自己趕緊客,以後都唔敢入.
> 三仔超薄格,五隻賣一百
呢句重複左……
一百蚊四隻,越睇越大隻
唔係好明喎..邊度先?
咁勇猛? 但走入去之後會唔會咁呢?
謝謝提出,不過大家提供的,我就不改了
佢可能指隻碟,睇得耐熱脹呀麻:P
我有次經過「猩際」，發現講「四樓有四仔」那個大叔~!
咁你有冇搵佢合照？（笑）
以前”好勁”扶手梯有一位大叔成日都係度話”九樓四級”. 佢啲語氣雖然平板, 但係都有個beat係度, 之後仲多咗另一個, 但就係嗌”四樓有四仔”. 佢兩個簡直係孖寶.
好勁雙星,香港名勝(笑)