令電腦遊戲更好玩的魔法
「你先上！我殿後！」「我頂得往，暫時唔使救我！」，多人同樂的動作電子遊戲就是這樣熱血有趣，大家互相幫助互相抱怨，甚至對駡，真情流露，有驚叫有歡呼，當領會過這樣「幾個人、一條心」的樂趣，誰又敢說電腦遊戲只是自閉玩意？
多人同樂時極能表現人性黑暗面的炸彈人系列！
多人同樂的電腦遊戲有點像玩多人同樂的遊戲或運動，一群人打波下棋故然有趣，不過，隨時隨地約夠人打波故然難，又沒什麼人會隨手有一套象棋或飛行棋吧？更別說要工具多多的《大富翁》、《AD&D》等等。在今時今日的繁忙社會，下班後跟友人吃飯時玩一局psp，可能已經是最方便的群體活動，更是唱k時人多久未輪候的優良聯誼活動，呀，再說下去會變廣告了。
我愛Dargon，無奈友人都愛Knight！
近好好多朋友都買了PSP版本《Capcom Classics Collection 2》（收錄遊戲可到其他閱讀的網頁中找），然後跟朋友都在玩多人同樂的《The King of Dragons》 和《Knights of the Round》，其實我一向都不太喜歡《Knights of the Round》這個遊戲，敵人樣子差不多，特別技巧跟道具花款又不像同類的《三國志2》或《The King of Dragons》多，所以覺得它比較悶，但，當幾位朋友一起合力闖關，一切都變得大不同，但覺「卒仔變可愛，大佬更有形」。總覺得多人遊戲像魔法一樣，平平無奇的遊戲，只要多人同遊，感覺就完全不同。
對戰熱之始祖SF2，始終跟人比試有趣多了！
某友人極愛玩2對2對戰的高達VS系列，常說他很喜歡這個系列那種「兩個人、一條命」的感覺，說起來，這遊戲一組的總分由兩人一起承擔，既不要令自己變負累之餘又要想法子幫同伴，令遊玩時的氣氛更緊張，而因為二對二比以往一對一格鬥遊戲變數大增，玩者往往更加肉緊，所以常常在機鋪的vs區可以感受到殺氣騰騰的感覺(笑)。
真正可以五人同時玩的PCE遊戲《五人賽車》，友人同樂時絕對會口角的一隻遊戲!(笑)
近年雖然也流行千人萬千上線的網上遊戲，雖然人多勢眾，但始終不是面對面，看不到戰友的肉緊(搞笑)表情，聽不到情不自禁的怨語或歡呼，總是久了點什麼，現在每次玩PC-Engine (NEC推出的經典遊戲機)，會想起中學時代到友人家中一起玩PCE的《五人賽車》然後一起去燒烤，玩完多人遊戲，留下的不獨是那隻遊戲的回憶，還有你跟戰友們的情義。
同本文不太有關的單人遊戲魔界村，只是剛好在玩psp版，並好想說句：「太難玩了！」
復刻的2021年，Switch再次印證多人無敵，更成熟的上線，更成熟的多人遊戲，科技改變世界，但人性不變。
其他閱讀：
Capcom Classics Collection 2：
http://www.sonystyle.com.hk/ss/product/psp/ulas_42072.jsp
還有8人對打WE,又怕累輸波,又想入波,最好笑係睇人累輸波
五人賽車, Bomber Man… 很多回憶啊 !! 那時經常和五個同學/鄰居一齊屈係間超細的睡房怒煲~
仲有個SD高達系列,自己整些高達出來,之後玩戰棋,戰鬥個陣變動作,最激都可以一個畫面七八隻MS 開片,講大堆頭,大陣仗都好激的!
近來我都好想玩返呢類遊戲機, 都係等緊 Wii 出… 希望佢o的 game 好玩啦
魔界村一向都是咁難，已成定律。
最過隱係 dungeon and dragon, 因為可以用回復魔法, 十足十rpg感覺, 可以4人同玩, 又有6種職, 多線故事, 千變萬化, 這個我最鍾愛!
D&D 當年街機都唔少人可以用兩蚊打爆機…
曾經有過D &D 1/2 的模擬器, 還可以通過ip 連線雙打…不過比起四個人在街機前面”並肩作戰”當然差太遠吧!!
P.S. 五人賽車係其中一隻經典, 另外炸彈人和紅白機時代的”熱血進行曲”都是人性的考驗…
炸彈人最鍾意玩
題外話…影居士…知唔知點校白字?
「你先上！我殿後！」
下一句是
「你打到我了！」
接著game over出現…
這是從前天地堂時間,與同學窩在電腦房打機的對話。
炸旦人，每次同朋友打機都必玩既遊戲，正呀！
哩個正呀,可惜我唔多掂,次次都係累人輸波…汗…
五人賽車簡直係當年必備的集體遊戲!!
sd高達可以多打已經係好後期了,不過對打都好正
Wii睇樣應該幾好玩，舊game我覺得係psp玩幾好,有wifi對打, 一人一機,正,遲d有高達vs,重正
我以前打得爆大魔界村架…而家…嗚嗚…唔認老都唔掂
哩隻大家都鐘意,但我就唔鐘意佢太多野搞,有點煩,少了爽快感
d&d系列四人打好玩多了,以前還有一部x-man是六人玩的…
校白字? 唔明
哈哈~~這個都很常見,打vs系列時常常都救伴變左自相殘殺
記得ss可以十打,好誇
姐係張某一部分字要反白先睇到…我之前見過你試過…可唔可以教我?
哦,這個很簡單,上文時選擇好想要反白的字,然後將字體顏色轉成背境顏色就可以了,先試試,有咩唔問再問
點校字體顏色?
如果是在sina內的話，打文時個打字位上面條toolbar, 其中一個係a字下面有顏色的，選好想要改色的字,按這個圖示,之後會出色表,選好顏色,套用,即可
我”背”, 剩係玩過sf同炸彈人咋!!!
有玩過兩哩隻都唔”背”喇!!