《 加勒比海盜：決戰魔盜王 》：爛海賊鬥怪人戰隊
有幾個原因，這部電影能夠令我有強烈入場意欲，第一：Johnny Depp (上一集是為了他入場)，第二，對上集幾有信心：，第三：劇照中的八爪魚怪人– 鬼船長Davy Jones。話說Davy Jones正好是海魔的名字，有意的吧？
注意：以下有劇情。
劇情簡介方面，即期電影，相然就比條sina link給大家睇，順便介紹大家看石琪的影評：
http://movie.sina.com.hk/cgi-bin/mv/movie/main.cgi?id=1953
首先，個片名原來係《Pirates of the Caribbean-Dead Man’s Chest 》，我地港版個「死人箱」失左踪，不過都唔緊要，少左個箱，補番個王比大家，有賺？
場面方面，未睇大家都知，都係追下跳下跑下特技下，如食人島一段動作場面跟搞笑位密度極高，諧趣動作跟緊張場面連綿不絕，幾組人的動作場面環環相扣，令觀眾既緊張又開懷，不少動作場面，如被積克船長被食人族狂殺、三人木輪大戰等等，都令我有看八十年代港產動作大片的感覺，開心之餘又不得不慨嘆一番。劇情方面，威廉的父子情相當意料之內，積克跟Elizabeth搞下曖昧令人有點驚訝(驚喜？)，當然，大家都唔會介意點解茫茫大海咁易就撞到朋友，亦唔會介意，為八爪魚幹部隻”人滿之患”的鬼船做咩仍然成日想”收靚”？
差不多到中段才現身的八爪魚幹部及一眾海鮮戰隊可算是我心水之選，眾怪人造形出眾，外形溶溶爛爛少少嘔心多多黑暗，質感十足，一睇就知係貴價海鮮(我指製作費)，但那些魚、蟹怪人又令我有濃厚日本特攝感，睇到海魔拆船，我直頭以為主角眾會將黑仔號變身機械人來打爆隻海魔，幸好，套劇唔係我拍，所以既無變身又無機械人。雖然，今眾怪人造人突出，外加有巨大怪獸加持，但就欠了第一集那場”水底下的骨頭戰隊”般令我印象難忘的場面，莫非我真係犯賤，有海鮮唔食鐘意咬骨頭。
成套戲整體配合其實算不錯，只是部份場面就有拖戲之嫌，如一開波交代積克心緒不靈跟三人爭箱那場就長得有點悶，其實可以不用150分鐘，精簡一點，效果可能更好，可能因為故事不完整，就總是欠了第一集的神采，尤幸各演員也算交足功課，雖然今集積克的角色及不上上集討好(還有點令人討厭)，Johnny Depp的演出仍然落力，爛身爛勢的眾海盜十分有海盜味，而且不單衣著爛，也表現出部份海盜貪”心”怕死，真係表裡如一，看起來更富趣味。整體來說，個人覺得整體水準仍屬合格以上，不過就未有第一集的驚喜。
如果，你問我全劇有咩真係爛？我一定會選個尾！「欲知後事如何、請看下回分解」，重要玩埋”無限復活”，咁唔係爛尾係咩？下回，有可能係《魔x王3之決戰張保仔》，但，會唔會”3″都未完呢？(後刻感想：結果，說中了…)
維基的Davy Jones解說：
http://en.wikipedia.org/wiki/Davy_Jones’_Locker
Pirates of the Caribbean：Dead Man’s Chest Website :
http://disney.go.com/disneypictures/pirates/index.html
上集我是看vcd的, Johnny Depp的角色很有趣且表現令人驚喜滿意^o^看前期待影片的電腦特技,雖然精彩,但嫌電腦特技鏡頭少唔夠候^u^今集看來也會捧場=)
>魔x王3之決戰張保仔
還有《4之勇鬥廣州水門提督》
要用黃飛鴻隻歌做BGM
我都係為Johnny Depp入場o架,上集真係驚喜(Johnny Depp d怪雞演技同商業娛樂片擦出漂亮火花),今集d問題,你都講左喇…
估唔到八十年代香港打笑片,會以咁o既形態再現,香港人應該覺得光榮(俾人發揚光大)定羞家(自己搞到摺埋)呢?
我都覺上集好d
歡迎雪晴!!
johnny depp真的滿多粉絲
不過有少少心理準備,哩集唔夠第一隻好,雖然都ok
咁搞法,鄭和同呀魔x王合力大戰海王同海魔聯軍
卒之拍到第99集…
真係邊笑邊悲哀,哎…
我地港產片的拿手好戲被人家發揚光大…哎…
多我識的,睇晒兩集,多數都係咁講
的而且確，下一集係有張保仔，仲係由周潤發飾演。
我睇左喇…後段悶到我拮大脾.
而家荷里活吸晒港片啲精髓,香港武指導演過到去都無得撈呀~
周個角色如果真係叫張保正就實笑死我
我反而嫌中段比較拖…有一集屈兩集水之嫌…
港產動作已經唔再係獨步單方,泰國都有呀東尼哥…
我冇睇第一集, 所以唔知點解jack值得大家為佢付出, 但攞明有第三集, 又可以追返第一集, 冇所謂。
贊成你的看法, 仲有個海、島好靚。個半臉人講廣東話, 有的手港產手法, 令人唏噓。
第一集比較好,追番喇~~而且,第一集都有好靚的島同海
原本以為第二,三集都獨立故事,點知咁屈水,有少少唔開心