暗黑偽偏方─「巴叔」失眠治療法
本居士除精研偽科學風水外，也對偽偏方素有心得，近日尋訪網上，千挑萬選，深入各網，覓得一治療失眠之聖品 ─ "巴叔"，再經苦心鑽研相關古藉文獻後，但覺此聖品對治療失眠甚有療效，實乃萬千失眠者之救星。本居士也偶有失眠之苦，自得此良方後便夜夜安眠，逐決定寫文留言以廣贈有緣人。
blog主聲明：本文不涉及任何精密科學、藥品學、社會學、醫學、純屬吹水學，信者自信，如因引用當中學說引起任何問題，恕不負責。
如欲得到最好效果，我們便必先要清楚其特性：「巴叔」性燥，味辣，功能升肝火、爆眼火、有壓力、未解決，屬潮熱之物，大旺心火，應當為失眠者之大忌，但如經處理的話，特性大改，便成治療失眠之聖品，功效神妙。
欲轉其性，必先要炒，而且要一炒再炒，反覆地炒，以正宗港式炒法猛火喪炒翻炒三個星期，炒的途中可下"紛色"、"驗像"、"聞化"等等調味，以將其功能發揮，待一炒再炒炒至"脆"味全失，"塵悶"全滿，療效自現。本居士更不惜以身犯險，冒死測試，証明效果顯著。
本居士嘗試推斷當中原因，相信跟"巴叔"屬短片科不無關係，短片科長度有限，雖經各家大師以創意炒成經典佳作，但無奈久經炒作下，各主要成份如「未解決」「壓力」及各式粗言成份自然變得乏味，更有部份炒作過度以致放出陣陣"馬后刨"味，逐引出其治療失眠之特性，造福廣大深受失眠痛苦之士，實在此料不及，亦一美事！
輾轉不能入睡時，找一服"巴叔"，反覆咀嚼，但覺胸口沉悶，頭腦煩厭，相信很快就可安然入睡。此偏方效果因人而異，如服後發覺不單無效甚至反為亢奮又或引起其他不適，請盡快聯絡醫生求助。
唔多相關閱讀：
香港醫院藥劑師學會：
http://www.derchk.org/modules/wfsection/article.php?articleid=575
哈，我驚比佢媽完後，仲訓唔著喎:P
呢位阿叔真火爆…
讚成,我開始有感覺,係網上見到巴士二個字就想訓.
唔只安眠,實在係催眠
剛好我近日晚晚失眠,一來就看到這題目。感覺很似當年阿燦扮的x太節目,好好笑
又係巴士阿叔, 呢期真係好紅喎….
本人沒有失眠的問題,所以不服用炒過的巴叔了。
(也不會寫的了)
一次唔得,睇夠三十次就應該得架喇:P
歡迎光臨～～～
就係咁火爆先要炒幾個星期先掂．．．
我相信都有好多人有同感~~~
咁慘?無事麻,放輕下睇下有冇改善?話時話,下次要唔要我反串扮係x太?
所以我咪又炒埋一份,加強療效呀
唔服都可以幫手炒,當幫下人都好:p
HAHAHA~
感覺好點像看＜頭條新聞＞～
巴叔服用得太多可能會上癮，少吃為妙。
HAHAHA~
感覺有點像看＜頭條新聞＞～
巴叔服用得太多可能會上癮，少吃為妙。
咁厚禮,一個留言留兩次呀?:p
唔,我睇番都有點似曾相識,原來是頭條新聞…