Warning: Attempt to read property "post_excerpt" on null in /home/customer/www/shadowzo.com/public_html/wp-content/themes/colormag-pro/template-parts/content-single.php on line 65
無聊寫作自家內容

鬼故創作精讀 : 猛鬼亂葬崗

中學考試要看精讀,專業考試要看舊題,要寫鬼古參賽自然要睇速成法,創作鬼故而家重簡單過抄功課~~~

第一味要教的是猛鬼亂葬崗,先準備好材料:

時間三時、黑夜一個,惡鬼幾隻,驚青仔或女一員,外搭陰風兩陣,舊屋一纏

調味方面,可以加死屍跟鮮血,數量視乎口味而定,但請勿過量,否則火路會好難控制,另外可以加入不含雜質的尖叫跟呻吟。

材料準備好之後,要準備亂葬崗一個,先將惡鬼三隻放入亂葬崗,放入少量鮮血吊味,放三十至百年,然後將驚青仔或女一隻放上崗頂,快速加入”黑夜,陰風跟三時”,待發出慘叫後就完成後便可UPLOAD上菜。

成品的賣相如下:

某月某日半夜三時,XXX一個(男生/女生)路過XX(大屋/學校/醫院),忽見吹過陰風(兩陣/三陣/四陣/多陣),怪叫連連,兩邊馬路上(鮮血/喪屍/鬼影)四飄,然後有三隻(惡鬼/黑影/邪靈)狂追XXX幾條街,然後第二日,XXX被發現橫死在那個地方,而那兒在(二次大戰時/清朝/古代/明朝)是一個亂葬崗 !

心得:

亂葬崗以二次大戰時代最容易買,效果最好,其次為明清兩朝。

當然你可以發揮創意改用太古時代的三葉蟲亂葬崗,不過由於年代久遠,可能會影響整個菜式的味道。

為迎合考官口味,大屋一座可考慮換成醫院一所或學校一幢。

2 thoughts on “鬼故創作精讀 : 猛鬼亂葬崗

  • 影大﹗仲有唔同「士Die勞」呀﹗
    主流都係「撈稿」口味﹐不過間唔中試下搞西式﹑日式都唔錯。
    另外﹐南洋風味都好受歡迎~

    Reply
  • 噢~~才post一陣,就比豬大俠估到我第二編的菜式,果然厲害(笑)

    看來要換換上陣先掂

    Reply

發佈留言

發佈留言必須填寫的電子郵件地址不會公開。 必填欄位標示為 *